#YomaMarathon(TrainingPlan)

‪#‎ရိုးမမာရသွန်‬
၁၇ ဇန္နဝါရီ ၂၀၁၅ မှာ ရန်ကုန် ရိုးမမာရသွန်ပွဲ ဝင်ပြီး ဆင်နွှဲလို့ရအောင် လေ့ကျင့်ရေးဇယားလေး လက်ဆောင်ပါးလိုက်ပါတယ် ။10kyoma10kyoemah

တနင်္လာနေ့ တွေဟာ( အလုပ်/ရုံး/ကျောင်း စတက်တဲ့နေ့ ဖြစ်တဲ့ အားလျော်စွာ ) အေးအေးသက်သာ နားစေချင်ပါတယ်။
မနက်ဖြန် အင်္ဂါနေ့ မနက် သို့မဟုတ် မနက်ဖြန်ညနေ ရုံးဆင်း/ကျောင်းဆင်းချိန်မှာ ပွဲမဝင်ခင် အပြင်ကကျင်းပဆိုသလိုပဲ စပြီးလေ့ကျင့်ပါ။ ကိုယ်တိုင်လုပ်မှ ကိုယ်ရမှာပါ။ ညှာပြီးလေ့ကျင့်ရင်တော့ အပြေးပွဲနေ့မှာ ကျန်ခဲ့မှာပါ။ (ပွဲအတွင်းမှာ လူအုပ်နဲ့မို့ စိတ်တက်ကြွပြီး ပြေးဖြစ်ပေမဲ့ ပွဲအပြီးမှာ ကြွက်သားတွေ အဆစ်အမြစ်တွေဒဏ်ဖြစ်လေ့ရှိပါတယ်) ။ အလွန်အကျွန်လေ့ကျင့်ရင်လည်း ပွဲမဝင်ခင်မှာ အနာတရ(သို့မဟုတ်)ပမ်းသွားနိုင်ပါတယ်။နားရမည့်ရက်တွေမှာ သေသေချာချာ မပြေးပဲ အနားယူဖို့ အလွန်အရေးကြီးပါတယ်။ ဒါမှမလိုလားအပ်တဲ့ injury တွေမရမှာပါ။ စနစ်ကျတဲ့ လေ့ကျင့်ရေးအစီအစဉ်လိုအပ်ပါတယ်။

အခု လေ့ကျင့်ရေးအစီအစဉ်မှာ ၁၀ ကီလိုမီတာ အခုမှ စမည့် ခြေနု အပြေးသမားတွေအတွက် အဓိက ဦးတည်ထားပါတယ် ။
ရက် ၄၀ လေ့ကျင့်ရေးအစီအစဉ်ပါ ၂၁ ကီလိုမီတာ ပြေးမည့် မိတ်ဆွေတွေကိုတော့ အနည်းလေး ၅ကီလိုမီတာ ပွဲဝင်ဖူးတဲ့ အတွေ့အကြုံ/ပြေးသက် ရှိတယ်လို့ ၂၁ကီလိုမီတာ ( half marathon ) ကိုဝင်ပြေးဖို့စာရင်းပေးထားတယ်လို့ ယူဆပါတယ်။ ၂၁ ကီလိုမီတာ လေ့ကျင့်ရေးအစီအစဉ်က အနည်းဆုံး ၈ပတ်(ရက် ၅၆ ရက်ကနေ ရက် ၆၀ )ကြိုတင်ပြင်ဆင်ရမှာပါ။ ၂၁ကီလိုတန်းကို အခုမှစလေ့ကျင့်မယ်ဆိုရင်တော့ ရက်၄၀ လက်ရှိ ဇယားအတိုင်းပဲ ကျင့်စေချင်ပါတယ် ( နားရက်တွေကို နားပါ။ အပြေးအကွာအဝေးကို တိုးပြီးလေ့ကျင့်နိုင်ပါတယ် ) နားရမည့်ရက်တွေမှာ သေသေချာချာ မပြေးပဲ အနားယူဖို့ အလွန်အရေးကြီးပါတယ်။ ဒါမှမလိုလားအပ်တဲ့ injury တွေမရမှာပါ။

စပြီး ပြေးတော့မယ်ဆိုရင် ကိုယ်ပြေးမည့် အကွာအဝေးကို စပြီးရွေးချယ်ဖို့ လိုပါတယ်။
၁၀ကီလိုမီတာ / ကီလို၂၀ စသည်ဖြင့် ပန်းတိုင် တစ်ခု သတ်မှတ်ထားဖို့လိုပါမယ်။ အဲ့ဒီနောက်မှာတော့ ကိုယ့်ရဲ့ ရည်မှန်းချက်ပန်းတိုင် ၁၀ကီလို / ၂၁ကီလိုမီတာ ကို ပြေးရင်ဘာတွေရမလဲ။ လုပ်နိုင်ပါ့မလားဆိုတဲ့ မိတ်ဆွေတွေမိသားစုဝင်တွေကပေးတဲ့ လုပ်နိုင်ပါ့မလားဆိုတဲ့ မှတ်ချက်တွေထက် ကိုယ့်ရဲ့ ခံစားချက် ( မာရသွန်ပွဲ ပြေးခဲ့တယ် ဆိုတဲ့ ပီတိ)၊ ကိုယ့်ရဲ့လုပ်နိုင်စွမ်းကို ကျေနပ်မှု ကိုယ့်ရဲ့စွမ်းဆောင်ရည်ကိုယုံကြည်မှု ) ကို အရင်ခွဲခြမ်းစိတ်ဖျာပါ။ ကိုယ်ချထားတဲ့ပန်းတိုင်အတိုင်း အရောက်သွားနိုင်ဖို့ လေ့ကျင့်ပါ။

ဘာတွေလိုအပ်လဲ။
ပေါ့ပေါ့ပါးပါး ရှိတဲ့ အားကစားအင်္ကျီ ဘောင်းဘီ တွေကို ရွေးချယ်ဝတ်ဆင်သင့်ပါတယ်။ အပြေးဖိနပ်တစ်ရံသီးသန့်ရှိရင်ပိုကောင်းပါတယ်။ ကင်းဗတ်ဖိနပ်နဲ့လေ့ကျင့်ရင်တော့ ခြေထောက်ပေါက်တတ်တာကိုသတိထားပါ။ ဘာဖိနပ်နဲ့ပြေးပြေး အပြေး ခြေအိတ် ကောင်းကောင်းသုံးပါ၊ compression socks တွေ ရန်ကုန်မှာဝယ်လို့ရနေပါပြီ။ လေ့ကျင့်ရင် ထည်လဲသုံးဖို့ ၃စုံလောက်ဝယ်ဖို့လိုအပ်ပါတယ်။

အခြား accessories တွေ gadgetတွေအနေနဲ့က
GPS / heart rate monitor ပါတဲ့ ဖုံး app / နာရီစတာတွေနဲ့ပြေးရင်တော့ ကိုယ့်ရဲ့ နှလုံးခုံနှုန်း အကွာအဝေးစတာတွေကို အတိအကျမှတ်သားနိုင်မှာပါ ၊ သီချင်းနားထောင်ဖို့ Mp3 တို့ ipodတို့နဲ့ ပြေးတာလည်း စိတ်လက်ပေါ့ပါးစေပါတယ် (ဒါတွေ smart phone တစ်လုံးနဲ့တင် အလုပ်ဖြစ်ပါတယ် ၊ ပြေးရင်း selfie တွေဘာတွေလည်းတင်လို့ရတာပေါ့ 😃 ) ပြီးတော့ နေရောင်ကာကွယ်တဲ့ sun screen တို့ အပြေးမျက်မှန်တို့ ကိုလည်း သုံးတာကောင်းပါတယ်၊ ရေအာစွတ်ရုံငုံဖို့ ရေဗူးအသေးလေးတစ်လုံးလည်းဆောင်ထားတာမမှားပါ။

အပြေးနဲ့ ရေ hydration
မပြေးခင် ၂နာရီလောက်မှာ ရေအဝသောက်ထားသင့်ပါတယ်။ မနက်အိပ်ရာထထချင်း ပြေးမယ်ဆိုရင် ရေတစ်ဝကြီးမသောက်သင့်ပါဘူး။ ပြေးနေစဉ်မှာ dehydrateမဖြစ်ဖို့ ရေသောက်ပေးဖို့လိုပါတယ်၊ အများစုကတော့ ဗိုက်ပွမှာ ဗိုက်အောင့်မှာစိုးလို့မသောက်ပါဘူး၊ ပြေးနေစဉ်မှာကော မပြေးခင်မှာပါ နည်းနည်းစီ ရေကိုအာစွတ်ရုံငုံပေးတာကသင့်တော်ပါတယ်

လေ့ကျင့် ပါ ၊ အနားယူပါ ၊ ( နားဆိုရင် လုံးဝနားပါ)
နားမည့်ရက်တွေမှာ သေသေချာချာအနားယူဖို့ အလွန်အရေးကြီးပါတယ်။ အလွန်အကျွံလေ့ကျင့်ရင်အန္တရာယ်ရှိတဲ့ activity ထဲမှာ အပြေး လေ့ကျင့်ခြင်းက ထိပ်ဆုံးက ပါပါတယ်။ တအားပြေးရင် နှလုံးခုန်နှုန်း အပြောင်းအလဲ ကလဲ ပြင်းထန် လာတဲ့အတွက် ခံနိုင်ရည် မရှိရင် ကျန်းမာရေးက ပိုပြီး ဆိုးရွား သွားနိုင်ပါတယ် ‘

ဘယ်မှာကျင့်မလဲ။
အပြင်လေကိုရှူပြီးလေ့ကျင့်တာကတော့ ပိုကောင်းပါတယ် အပြင်ပတ်ဝန်းကျင်မှာ ကားမရှုပ် နဲ့ အညစ်အကြေးအနံ့ဆိုး အကင်းဆုံးနေရာကို ရွေးချယ်ပါ ၊ အပြေး လေ့ကျင့်ခန်းကို ပြေးစက်ပေါ်မှာလည်း လေ့ကျင့်နိုင်ပါတယ် နှလုံးရောဂါနဲ့ တခြား အဆစ်အမြစ် ဒူးဒဏ် စတာတွေ ရှိရင် ဆရာဝန်နဲ့ အရင် တိုင်ပင်သင့်ပါတယ်။ အပြေး လေ့ကျင့်ရင်း ခန္ဓာကိုယ်မှာ တစ်ခုခု နာနာကျင်ကျင်ပြင်းပြင်းထန်ထန် ခံစားရတာနဲ့တစ်ပြိုင်နက် လေ့ကျင့်မှုကို ရပ်ပြီး ဆရာဝန်နဲ့ တိုင်ပင်ဖို့လိုပါတယ်။’

အစားအသောက်စားပါ၊
carbohydrate များများစားပါ၊ ဆန်ထက် ဂျုံ နဲ့ အုတ်(oat) စတာတွေကိုစားပါ ပြီးတော့protein အသားဓာတ် ( အသားစားမှမဟုတ်ပါဘူး ကုလားပဲ၊ မြေပဲ ရွှေဖရုံစေ့ နဲ့ အခြားအစေ့အဆံတွေစားရင်လည်း protein ပါပဲ ၊ ခေါက်ဆွဲ (ပါစတာ)တို့ (ပေါင်မုန့်)တို့က carbohydrate ကော protein ဓာတ်ကောကြွယ်ဝတဲ့အစားအစာတွေပါ။ အရက်/ဆေးလိပ်ကို လျှော့ထားနိုင်ရင်ကောင်းပါတယ်၊ ရှောင်နိုင်ရင်တော့အကောင်းဆုံးပါပဲ။

အကြောလျှော့
အရေးကြီးတဲ့အချက်က မပြေးခင်ဦးဆုံး အကြောလျှော့ဖို့လိုပါတယ်။
အကြောလျှော့တဲ့နေရာမှာ pre run ( static stretching ) အငြိမ်နဲ့ အလှုပ် pre run ( dynamic stretching ) နှစ်မျိုးစလုံးကိုလုပ်ရမှာပါ။
pre run ( static stretching ) အငြိမ်မှာ open chest ရင်အုပ် / loosen hip-shoulders-spine တင်ပါး/ပခုံးနဲ့ခါးကျော လျှော့ / calves stretching ခြေသလုံးသားလျှော့/ side muscles /knee စတာတွေပါဝင်ပါတယ်
pre run ( dynamic stretching ) အလှုပ် မှာတော့(crossovers / sidewalking lunges / leg kicks / kenn rises / walking lunges / hip swing ) တွေနဲ့ လျှော့ပါ။

ပြေးပြီးရင် အကြောပြန်ရှော့ပါ (post run stratching လုပ်ပါ)

အပြေးလေ့ကျင့်ခြင်းကနေ ဘာတွေရမလဲ ။
အလေးချိန် ကျပါမယ် (အပြေး လေ့ကျင့်တဲ့အခါကယ်လိုရီများစွာ လောင်ကျွမ်းပါတယ်။ ခန္ဓာကိုယ်က အဆီများကျစေဖို့ အကောင်းဆုံး လေ့ကျင့်ခန်းပါပဲ။
အရိုးအဆစ် သန်မာစေပါတယ်။ ကြွက်သားနဲ့ အရိုးတွေကို သန်မာစေပြီး အရိုးပါး ရောဂါကို ကာကွယ်နိုင်တယ်လို့ လေ့လာမှုအရ သိရပါတယ်။
သွေးဖိအားကို ကျစေပါတယ်၊ အဆုတ်ကျန်းမာလာပါမယ်။ ပြေးတဲ့ အချိန် သာမန်ထက်ပိုအားစိုက်အသက်ရှူရတာကြောင့် အဆုတ်ကို ပုံမှန်ထက်ပိုပြီး ၅၀ ရာခိုင်နှုန်းလောက် အသုံးပြုရလို့ အဆုတ်ရဲ့ လုပ်ဆောင်ချက် ပိုပြီး ကောင်းမွန်စေပါတယ်။ စိတ်ပျိုကိုယ်နုပြီး မှတ်ဉာဏ်လည်း ပိုကောင်းလာပါမယ် ၊ ဒီlifestyleမှာ စိတ်ကျရောဂါ ဖြစ်ဖိုအလွန်ကိုခဲယဉ်းပါတယ်။ ပုံမှန် သွေးလည်ပတ်မှု ကောင်းပြီးကျန်းမာစေပါတယ်။။ ကိုလက်စထရော ကျပါတယ် ။ အတူလေ့ကျင့်ဖော် မိတ်ဆွေကောင်း အပေါင်းအသင်းလည်း တိုးလာမှာပါ။

Climb O’Clock ဆိုတဲ့အတိုင်း ဒီ pageဟာ တောင်တက်အားကစားအသားပေးတဲ့ page ပါ။
တောင်တက်အားကစားသမားတွေအရင်ကထက် အပြေးအားကစားကို စိတ်ဝင်စားလာတာကို ဒီဘက်ခေတ်မှာပိုတွေ့လာရပါတယ်။
ကျွန်တော်ကိုယ်တိုင်လည်း တောင်တက်ဖို့အတွက် အပြေးလေ့ကျင့်ခန်းကိုတွဲလုပ်ရင်းနဲ့ တဖြည်းဖြည်း အပြေးအားကစားကို ခုံမင်လာခဲ့ပါတယ်။
ကျွန်တော့မိတ်ဆွေတွေထဲက ဒီနှစ် ရန်ကုန် ရိုးမ မာရသွန်ပွဲ ဝင်နွှဲကြမည့်သူတွေက လေ့ကျင့်ဖို့ အကြံတောင်းလာတာ ၅ဦးလောက်ရှိလာပါတယ်၊ ဒီတော့ ကျွန်တော့အနေနဲ့ သူငယ်ချင်းတွေကော အခြားသောအပြေးဝါသနာရှင်တွေကိုပါ တတ်နိုင်သလောက် ပွဲဝင် လေ့ကျင့်ရေးအစီအစဉ်လေးကို လုပ်နိုင်ဖို့အတွက် ပြက္ခဒိန်လေးချပြီး လေ့ကျင့်ရေးဇယားကိုဆွဲပြီးတော့ ဝေမျှလိုက်တာပါ။
သူငယ်ချင်းတွေထဲက သက်လုံကောင်းဖို့ အတွက် / မာရသွန်အတွက်စသည်ဖြင့် အပြေးလေ့ကျင့်နေတဲ့ သူငယ်ချင်းတွေလည်းရှိကြမှာပါ။ အသုံးဝင်လိမ့်မယ်လို့လည်းယူဆပါတယ်။

အားလုံးပဲ ကျန်းမာ ပျော်ရွှင်ကြပါစေ

စောစောအိပ်လို့ စောစောထလို့ စောစော အပြေးကျင့်ကြပါစို့လား။

Advertisements
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s